ଧାନ ଡାକ୍ତର

ଧାନ ଡାକ୍ତରକୁ ସ୍ୱାଗତ । ଏହି ନିଦାନ ଉପକରଣ ଆପଣଙ୍କୁ ନିଜ ଫସଲର ସମସ୍ୟା ବିଷୟରେ ଅବଗତ କରାଇବା ସହିତ ଏହାର ପରିଚାଳନା ପାଇଁ କାର୍ଯ୍ୟକାରୀ ହେବା ପରି ଉପଦେଶ ପ୍ରଦାନ କରିବ ।

ଧାନ ଡାକ୍ତର କ’ଣ ?

ଫସଲର ଉତ୍ତମ ପରିଚାଳନା ନ ହେବା, ସାର ପ୍ରୟୋଗରେ ଅସମାନତା ଅଥବା ପରିବେଶଗତ କାରଣ ଯୋଗୁଁ ରୋଗପୋକ ଆକ୍ରମଣ ଓ ଭୌତିକ ସଙ୍କଟ ଦ୍ୱାରା ଧାନ ଫସଲରେ ଦେଖାଯାଉଥିବା ସମସ୍ୟା ନିର୍ଣ୍ଣୟ ପାଇଁ ଏକ ମଧ୍ୟବର୍ତ୍ତୀ ଋତୁକାଳୀନ ଉପକରଣ ହେଉଛି ଧାନ ଡାକ୍ତର । ଗଛରେ ବିଭିନ୍ନ ଲକ୍ଷଣ ଦେଖି ସମସ୍ୟାର କାରଣ ନିର୍ଦ୍ଧାରଣ କରିବା ସହିତ ଏହି ସମସ୍ୟାର ପ୍ରତିକାର/ପରିଚାଳନା ନିମନ୍ତେ ଧାନ ଡାକ୍ତର କୃଷି କାର୍ଯ୍ୟ ଓ ଯାନ୍ତ୍ରିକ ଉପାୟ ବିଷୟରେ ସୁପାରିଶ ପ୍ରଦାନ କରିଥାଏ । ଧାନ ଫସଲରେ ଦେଖାଯାଉଥିବା ସମସ୍ୟା ଚିହ୍ନଟୀକରଣ ସହିତ ଏହାର ପରିଚାଳନା ପାଇଁ ଧାନ ଡାକ୍ତର ଲୋକମାନଙ୍କୁ ସହାୟତା ପ୍ରଦାନ କରିଥାଏ । ଏହି ଲୋକମାନଙ୍କ ମଧ୍ୟରେ ଗ୍ରାମାଂଚଳରେ ରହିଥିବା ବେସରକାରୀ ପରାମର୍ଶ ସେବା, ସଂପ୍ରସାରଣକର୍ମୀ, ସ୍ୱେଚ୍ଛାସେବୀ ସଂଗଠନ, ଉଦ୍ଭିଦ ରୋଗ ନିଦାନ କେନ୍ଦ୍ର, କୃଷକ ଓ କୃଷକ ସଂଗଠନ ଅନ୍ତର୍ଭୁକ୍ତ ଅଟନ୍ତି ।

ଧାନ ଫସଲରେ ଦେଖାଯାଉଥିବା ସମସ୍ୟାର ଚିହ୍ନଟ କରି ଏହାର ଉତ୍ତମ ପରିଚାଳନା ପାଇଁ ବ୍ୟବହାରକାରୀଙ୍କୁ ପରାମର୍ଶ ଦେବାରେ ଧାନ ଡାକ୍ତର ସାହାଯ୍ୟ କରିଥାଏ । ଧାନ ଫସଲର ସମସ୍ୟାକୁ ଭୁଳ୍ ଭାବେ ଚିହ୍ନଟ କରିବାରୁ ରକ୍ଷା କରି ଏବଂ ସମସ୍ୟାର ନିର୍ଭୁଲ ପରିଚାଳନା ନିମନ୍ତେ ତଥ୍ୟ ପ୍ରଦାନ କରି ଧାନ ଡାକ୍ତର ଧାନ ଫସଲର କୁପରିଚାଳନା ଜନିତ ସମସ୍ୟାକୁ ଦୂର କରିଥାଏ । ଏହା ମଧ୍ୟରେ ଭୁଲ୍ ଭାବେ ଏବଂ କମ୍ ଫଳପ୍ରଦ ଭାବେ ରୋଗପୋକ ନିୟନ୍ତ୍ରଣ ବ୍ୟବସ୍ଥା ଅନ୍ତର୍ଭୁକ୍ତ ଅଟେ (ଭୁଲ୍ ଔଷଧ ବ୍ୟବହାର ଏବଂ ଭୁଲ୍ ରୋଗଜୀବାଣୁ ମାରିବା) ।